孖住湯盈盈慶生 22歲《愛回家》朱凌凌身世揭秘

Ricco家中有四兄弟,除了外形討好外,各自都有自己事業。

無綫處境劇《愛.回家之開心速遞》一班演員非常有愛,當正大家都係自己家人一樣,每逢有人生日必定「全家」出動慶祝,難怪個個演員都「愛回家」啦!而今個月壽星就輪到「朱凌凌」吳偉豪(Ricco)同埋湯盈盈,一眾「家人」喺酒樓為兩位壽星慶生,出席有蘇韻姿、陳浚霆、單立文、劉思希、沈可欣、馬貫東、呂慧儀、劉丹等,場面熱鬧。Ricco更與呂慧儀、湯盈盈及沈可欣攻打四方城,似足「三娘教子」。

場面非常熱鬧。
生日有花收,好有愛。
豹哥個post會唔會太可愛?
蘇可欣同壽星女湯盈盈自拍。
Ricco同湯盈盈都係6月壽星。
三娘教子!

今個月20號生日嘅Ricco先至22歲,高大靚仔兼有六舊腹肌嘅佢,係無綫力捧新人之一,前途認真無可限量!佢出身自小康之家父母係公務員,從小就讀國際學校。不過佢為報考藝員訓練班而放棄讀大學,幸好得到父母無條件支持。不得不提係Ricco家中仲有三位兄弟,大哥係任職7年的香港消防處消防隊長、二哥係飛機師,Ricco上年全家總動員一齊飛到澳洲出席二哥的畢業典禮,而弟弟就係模特兒。四兄弟都靚仔高大兼各自有一片天,真係一門四傑!

左起二哥、大哥、Ricco及細佬,四兄弟感情要好。
Ricco細佬係Model。
Ricco二哥係飛機師。
Ricco喺四兄弟中最靚仔。
身形亦非常健碩。
生日快樂呀!
22歲大把前途。
可愛嘅一面。
上年全家總動員出席二哥在澳洲的畢業典禮。