孖仔承衣鉢 湯鎮業片場曲線表父愛

東方日報
孖仔以往會與家姐一同陪父親湯鎮業食飯慶祝。

藝人湯鎮業因身在內地拍戲,一對孖仔湯君慈(Bruce)與湯君耀(Chris)表示今年未能一家人慶祝父親節,並說:「可能會同爸爸視像傾偈,以往會同埋家姐一齊食飯,通常家姐會送禮物。」孖仔指爸爸比較內斂,不擅將愛宣之於口,大孖Bruce舉例:「有次同爸爸喺北京拍戲,喺現場好少傾偈,但知佢不斷問身邊人我表現點,又叫其他人提我要小心啲。佢知我帶唔夠衫,又會上網訂衫畀我。」細孖Chris表示小時候因爸爸常在內地工作,到後來他們在美國升讀大學,父子相處時間不多:「爸爸會盡量爭取機會同我哋相處,有時我去內地,佢會叫我一齊去品牌活動。」現時孖仔隨父步伐入行,坦言因而對父親有更多了解:「知佢工作係好辛苦,以前以為拍戲好簡單,原來唔係,爸爸好專業!」

至於孖仔的堂姊湯洛雯則未有慶祝計劃:「爸爸(湯鎮宗)唔得閒,大家都忙。」問到身為上位花旦,對堂弟在演藝路上有何建議,她即謙稱:「我都係新人!都係專注啲、勤力啲。」

Bruce(右)與Chris分享與父親的相處點滴。