子女整父親節蛋糕 胡諾言又亂又窩心

東方日報
三姊弟炮製蛋糕又送吻,胡諾言冧晒!

藝人胡諾言與陳琪結婚11年,育有現年10歲的大女芷苓、7歲的二女芷悠及3歲多兒子澔錕,平日三姊弟相親相愛,甚少令胡仔夫婦勞氣,尤其大家姐芷苓相當懂事,不時照顧弟妹,日前更率領弟妹到烘焙店整蛋糕,準備給胡仔送上父親節驚喜,不過胡仔為怕中途有差池,最後也有同行。

甫入店,芷苓已跟職員研究蛋糕款式,之後與弟妹分工合作,起初三人表現合拍,胡仔見狀亦有讚好,惟中途細妹見家姐「話晒事」,即向爸爸撒嬌「投訴」,弟弟也加入戰團,搞到胡仔一頭煙,及後他要重新分配工作,才合力順利完成蛋糕。

胡仔受訪時笑指子女於吹蠟燭一刻最開心:「佢哋讀書之後成日做勞作,我年中都收唔少,大女試過用報紙整隻狗仔畀我,好有紀念價值,到依家都擺喺屋企。」細女芷悠則說:「我諗住整煲呔,但佢唔買魔術貼畀我,所以唔整喇!」澔錕亦唔執輸,嚷着有禮物送給爸爸:「我要送大人嘢,係好大嘅屋企,有滑梯嘅,下面可以游水。」三子女更輪住送吻,令胡仔甜在心頭。

子女整蛋糕期間,胡諾言忍不住出手。