【嫁到這世界邊端2】韓國新抱患重病 全靠呢位大哥級藝人承擔醫藥費!

東方新地 - 娛聞

TVB節目《嫁到這世界邊端2》星期一首播,首集登場的韓國新抱秋仔與Oppa暢勇,一段至死不渝的「韓式生死戀」,相信唔少觀眾都睇到眼濕濕!秋仔可以堅強走到現在,除了其Opps暢勇在身邊一直守護,原來仲多得一位圈中地位崇高的藝人默默相助,秋仔更視對方為救命恩人!

撰文:東方新地|圖片:節目截圖

延伸閱讀:

發歌星夢靠黐 黃心穎挾馬明陪應酬

【真係有喜事?】趙麗穎發佈經理人合照指結束合作關係 經理人:「祝福穎寶邁入人生新階段」

【嫁到這世界邊端2】癡情韓國Oppa娶重病港女 上演「韓式生死戀」

好多人睇韓劇時同小編一樣,都經常取笑情節老套,通常啲女主角唔係失憶就係患絕症,之後就突顯出男主角幾咁癡情乜乜乜。但估唔到呢啲老套劇情原來現實中真係會發生 — 就係《嫁到這世界邊端2》第一集的主角秋仔。

《嫁到這世界邊端2》第一集主角,韓國人妻秋仔。
Oppa都識講少少廣東話!

重病港女遇上韓國Oppa

平凡港女秋仔早年讀完書後,加入電視台成為導演,誰知七年前佢發現自己患有急性腎衰竭,最嚴重試過一年入三次ICU,長期都要靠儀器及藥身維生,徘徊在生死之間。治療期間,秋仔偶爾喺一個討論韓劇的網站,認識了識普通話的韓國Oppa暢勇,一段動人故事就此展開!

嫁到這世界邊端2

Oppa來港後表白

兩個人傾吓傾吓,暢勇更主動來港與秋仔見面,秋仔都feel到對方有更進一步的意思!所以即使秋仔再唔舒服,都堅持外出同暢勇喺香港遊玩一日。兩人經過呢一日後感情大增,對秋仔病情一無所知的暢勇回韓國後即主動表白!「可唔可以做我女朋友?」

得知病情後失去聯絡?

呢個時候秋仔亦向暢勇坦白道出病情,表示自己身患重病,隨時有機會離開。喺秋仔坦白後,暢勇突然失去聯絡一段時間,但佢並唔係被嚇怕走佬,而係花時間四出搵資料,嘗試對秋仔的病情了解更多……


究竟要有多情深

暢勇並沒有輕易呢段感情,更主動提出讓秋仔去韓國醫病,甚至係求婚!聽到呢度,主持陳貝兒都不禁話,究竟要有幾情深,先會令人男人接受一個可能隨時喪命的女子,甚至唔介意時日長短去求婚?

「 手術好返之後,我哋就結婚啦。」

雖然秋仔未有答應求婚,但都下定決心接受手術,雖然手術風險相當高,失敗的話係隨時會冇命…… 手術前暢勇對秋仔講:「 手術好返之後,我哋就結婚啦。」秋仔亦隨即點頭!

父母反對婚事

經歷一場大手術後,秋仔與暢勇決定搵埋天窗,但此時又遇到另一大難題,就係暢勇的父母反對二人婚事!其實又難怪人哋咁諗,因為秋仔的身體始終存在很多變數,將來又可能較難生兒育女。不過暢勇始終如一,不斷努力說服父母答應,表明係非卿不娶!

融入韓國家庭

暢勇的父母最終答應二人的婚事,當時奶奶發短訊問秋仔想要咩結婚禮物,秋仔回覆「其實唔使送禮物俾我啦,你答應俾我哋結婚,已經係一個最大嘅禮物。」重溫呢段往事時,奶奶已經喊到收唔到聲!

約定相愛到100歲

暢勇始終認為100歲係一個最好的夢想,去到節目末段,佢再次提出兩人已經約好了,就算去到100歲都要一齊住、100歲都仲要一齊去旅行!

主持陳貝兒都非常感動,坦言佢哋的故事令自己再次相信有愛情!

曾兩度流產

節目中秋仔說最希望為老公生個小朋友,其實都曾成功過兩次,可惜最後都係流產了。秋仔坦言以自己身體的狀態,再有小朋友的機會可能唔大,不過佢仲年輕,希望佢唔好灰心,將來一定繼續有機會的!

秋仔視曾志偉為救命恩人

節目第一集中提到,秋仔畢業後就加入電視台工作,其實呢個電視台就係TVB,而秋仔負責的原來係《獎門人》!而「獎門人」曾志偉除了係秋仔的工作夥伴,秋仔更視志偉係救命恩人,究竟點解?

秋仔回覆傳媒時表示,當年自己因病有一段長時間冇返工,之後到開拍新一輯《獎門人》時,志偉就好耐冇見到秋仔:「好耐無見你,你搞緊乜嘢?」之後秋仔就坦白向志偉道出病情。

曾志偉義不容辭 承擔醫藥費

當時志偉知道秋仔患上的是急性腎衰竭,即義不容辭為佢介紹一位著名腎科醫生,該位醫生診所位置中環,話明係名醫,平時入去睇一睇都至少收一千蚊,仲要未計藥物同抽血等。後來秋仔去睇醫生,醫生並無收佢錢,原來係志偉暗中幫助!志偉明白睇咁貴的醫生對秋仔係一大負擔,所以叫佢放心去睇,錢方面唔使擔心。

就係咁樣,志偉默默為秋仔承擔足足一年的醫療費,直至秋仔嫁到韓國。秋仔接受傳媒訪問時,表示志年猶如自己的再生父母,如果唔係有佢,自己依家未必可以與老公過著快樂生活,甚至可能已不在人世。

同事 藝人籌款相助

除了曾志偉,秋仔在節目中亦提到一班同事的仗義相助!秋仔指患病頭一年病情反覆,試過一年入三次ICU,睇醫生都睇到無晒錢,幸得TVB一班好同事為佢籌款,據知有唔少未合作過的藝人,秋仔話記憶中楊卓娜亦有份!

楊卓娜都有份捐款!

延伸閱讀:

《大帥哥》台慶劇變炮灰!男一張衞健 暗示或缺席宣傳