《娛樂大家》添食逢星期一至五播放 惹網民負評?

汪明荃(阿姐)IG

由汪明荃(阿姐)、森美及余德丞等人主持嘅無綫遊戲節目《娛樂大家》,第一及第二輯喺上年已經圓滿結束。節目收視雖然麻麻哋,不過自從第二輯引入「狼人殺」後,開始獲得網民關注,而一班主持們亦憑節目喺《萬千星輝頒獎典禮2019》奪得「最佳節目主持」。早前就有消息無綫計劃開拍第三輯《娛樂大家》,仲將節目有逢星期日晚上播出,改為逢星期一至五晚上10時30分播放。節目近日已經開始錄影,預計3月播放。

消息傳出後,一班網民似乎唔係好想睇,仲紛紛留言話:「仲要擺每晚十點半?!」、「X佢,日日都係星夢果班,玩住同一個遊戲,屎上最悶的節目」、「都唔好睇,個遊戲睇左咁多次已經好悶」、「tbb真係走向未路,重複又重複番炒節目,呢套仲要唔好睇,要觀眾睇班友係度自high,仲要來來去去都係同一班」、「亞視閂電視前夕,都係咁~」及「好好的安排吖,可以專心睇85台財經」等等。

汪明荃(阿姐)IG
汪明荃(阿姐)IG