《娛樂大家》坤哥自爆曾向女藝人講粗口兼追過林穎彤?

2010年參加《超級巨聲2》獲得第五名嘅吳業坤 (坤哥),一直俾人感覺都係傻更更。入行後,坤哥一直都只係飾演唔同閒角及擔任節目主持,間中都會自彈自唱放上網同大家分享,保持收入。2015年簽約加盟星娛樂唱片公司,與許廷鏗及譚嘉儀屬同一公司。同年,坤哥憑個人歌曲《原來她不夠愛我》奪得「叱咤樂壇我最喜愛的歌曲大獎」及「叱咤樂壇我最喜愛的男歌手」獎項。「人紅緋聞自然多」坤哥由入行至而家9年,一直緋聞不斷,最令人熟悉嘅緋聞女友應該係女子組合Super Girls 嘅隊長Aka。不過原來唔講唔知,坤哥仲試過主動追求其他女藝人。

坤哥擔任綜藝節目《娛樂大家》最新一集嘅嘉賓


坤哥擔任綜藝節目《娛樂大家》最新一集嘅嘉賓,期間更自爆曾經對住一個女藝人爆粗,不過係冇心嘅。究竟呢個女藝人係邊個呢?原來2012年時坤哥參與人生第一部電視劇《法網狙擊》時,出席慶功宴。當好多藝人同事電話自拍時,佢竟然於人地身後走來走去攝鏡,因而被其中一個女藝人推開,隨即佢就爆粗以兩個字嘅粗口回應。坤哥亦強調慶功宴上俾好多前輩灌醉,樂極忘形得濟所以唔小心爆粗,不過大家都覺得佢係一個飲醉咗嘅小朋友,所以大家都冇怪責到佢。《娛》節目中當好多主持都好期待想知係邊個女藝人嘅時候,林穎彤(Bella)呢個時候竟然即場篤爆,原來被坤哥用粗口鬧嘅女藝人就係同劇演員高海寧(高Ling)。

高海寧

坤哥一聽到自己嘅事被Bella爆料之後,更即時問Bella點解會咁記得佢嘅事。Bella隨即接住講:「記得你對我做過嘅嘢!」坤哥更即時一邊流汗,一邊爆自己原來曾經買過小禮物送俾Bella,而Bella更記得坤哥曾經拎住木結他入到女藝員休息室,唱歌俾佢聽。當大家聽到興高采烈嘅時候,森美亦都大爆Bella因為被坤哥痴纏,而一度搵佢求救。

Bella