娛樂圈五大最高身價司儀 森美大哥竟屈居第二?

東方新地 - 娛聞

做司儀?責任當然係非常重大!司儀係大大小小活動不可或缺的,負責控制活動流程、帶動現場氣氛,口材了得就係最基本啦,而娛樂圈中亦有唔少星級司儀!除了曾志偉、Do姐鄭裕玲呢啲王牌級數,以下娛樂圈中收費最貴的五大司儀中,森美大哥都只係排第二!

撰文:東方新地|圖片:新傳媒、Instagram

延伸閱讀:

徐子淇晒長腿賀林恬兒生日 上演港版Sex in the City!

陸永趁老婆生日送貼心禮物 太太被網友封為「幸福人妻」

離巢無綫靚媽成最高價司儀?

楊洛婷(Rabee’a) 最近就被指作係最高價司儀之一,佢早前出席活動時笑言唔可以話係最貴,而係好實用兼物超所值!而且,Rabee’a覺得最重要係客戶滿意,認為收得人哋錢,自己都要交到功課,非常盡責!

Last night at #英皇金融集團 Dinner. . #OldHongKong #懷舊香港#ThemeParty #Retroface #AnnualDinner #HongKongMC

A post shared by 楊洛婷 Rabee'a Yeung (@rabeeayeung) on Apr 30, 2018 at 4:31am PDT



Rabee’a更指全因以前喺TVB工作嘅十年經驗,認識咗唔少客戶,因為彼此交流多咗,已經同客戶成為好朋友,所以很多朋友都會介紹工作俾佢。接咁多job,Rabee’a咪豬籠入水?



娛樂圈五大最高身價司儀 森美大哥竟屈居第二?

早前有行內人士接受傳媒訪問,大爆司儀收費都係根據工作性質、時間而定,無指定標準,不過如果要數娛樂圈中收費最貴、最多人搵的司儀,頭五位就係以下呢五位!

 

5|區永權

區永權曾任有線娛樂新聞台主播,後來轉投nowTV擔任節目主持,現時喺無綫更加係老是常出現,平時大家見到佢的《東張西望》、《大玩特玩》或是早幾日的《星光熠熠耀保良》等。另外唔少電影活動,包括2015至2017年的《香港電影金像獎》,都是由區永權擔當紅地氈司儀。

《星光熠熠耀保良》司儀陣容
區永權曾擔當2015至2017年《香港電影金像獎》的紅地氈司儀
喺電影《無雙》宣傳活動上,區永權同發哥、城城有唔少妙問妙答!
發哥都幫佢抹汗!認真威水!

早前區永權與陳敏之主持的旅遊節目《到此一遊 台北》都備受觀眾好評!

4|Bob(林盛斌)

阿Bob(林盛斌) 又係另一位大家熟悉的男司儀,轉數快又識搞氣氛,擔任電台DJ時主持的《新香蕉俱樂部》更是經典電台節目之一!據知阿Bob接洽的工作由普通活動嘉賓、婚宴司儀到商場活動司儀都有,阿Bob出名搞笑又夠搏,本身又係四位子女的爸爸,所以好受親子活動歡迎~

阿Bob不時都喺社交網分享家庭照~

阿Bob近年事業真係一帆風順,job接job做過不停,參與過大大小小不下過百劇集、電影、網劇、遊戲節目等的演出,不過就有唔少網民睇到佢有啲厭,仲鬧爆佢把聲好嘈好煩!大家又點睇呢?

仲有佢平時啲行徑又唔係咁檢點……

3|楊洛婷

楊洛婷(Rabee’a) 就喺上文提及過啦!Rabee’a為2003年港姐亞軍兼旅遊大使獎得主,翌年加入無綫,主持《港生活 ‧ 港享受》(Dolce Vita) 都可算是其代表作。亦因為9年主持《Dolce Vita》的經驗,令Rabee’a得到不少司儀工作,加上喺溫哥華長大,英文司儀一樣冇問題。有指佢年收入達4百萬,分別在香港及加拿大擁有三個物業,厲害!

楊洛婷為2003年度香港小姐亞軍兼旅遊大使獎得主
Rabee’a的火辣身材令佢好受男網民歡迎!

除了《Dolce Vita》,Rabee’a另一代表作大有可能係《問問MasterJoe》……

另一方面,Rebeea對於自己被封為「最靚媽媽」之一,佢就話好開心,同時再三強調女仔一定唔可以偷懶,要勤力做保養功夫!



2|森美

森美大哥原來都係排第二!森美人氣之高就無需多介紹啦,先係主持的《公子會》、《早霸王》極受年輕人歡迎,另外喺影、視方面成績亦是出色,都算係娛樂圈中「百足咁多爪」的代表。另外在森美司儀工作方面亦係無得彈,識搞氣氛、轉數高、對答得體,極有個人魅力,收得費好合理!

森美大哥渾身幽默感,演戲一樣深得觀眾喜愛!
之前《森美旅行團》系列,觀眾晚晚坐定追!

1|李浩林

到或邊個力壓森美大哥成為第一?原來係李浩林!呢位資深主持人做司儀的活動真係多到數唔晒,《歡樂滿東華》、《萬千星輝賀台慶》或選美活動都見其身影。據知李浩林仲係專攻「貴價騷」,最常出現就係名牌、奢侈品的宣傳活動,唔係咩job都接!

延伸閱讀:

萌爆囝囝1歲喇! 胡杏兒:捨不得你長大!