姜麗文患抑鬱諗過輕生

東方日報
姜麗文

歌手姜麗文(Lesley)昨日現身電台宣傳創作新歌《念》,坦言是6年前的作品,又自爆當時正患抑鬱症,嚴重到有輕生念頭:「呢首歌救咗我一命!創作令我停止諗啲唔好嘅嘢,重拾自信。(之後點走出抑鬱?)冇話走唔走出,自己100%改變生活更健康,就好似個老婆婆咁早睡早起、少糖、做大量運動。」續指希望透過新歌同大家分享「你不是一個人」訊息,表示患病期間都會找朋友、家人傾訴:「有同哥哥講,同佢好Close。有好多人都唔知點跟抑鬱症患者傾偈,其實千祈唔好同其他人比較,最重要係聆聽、鼓勵做多啲運動,有抑鬱症絕對唔係一件醜事。」