姜濤被爆將粉絲禮物棄置垃圾桶 花姐下令徹查:逐個問緊

姜濤被爆將粉絲禮物棄置垃圾桶 花姐下令徹查:逐個問緊

去年參加ViuTV選秀節目《全民造星》的姜濤,在比賽中奪得冠軍後與其他參加者組成了男團MIRROR,一出道就成為焦點,入行短短時間已經深受粉絲喜愛,不少姜糖(姜濤的粉絲)更會為偶像準備禮物,希望送上一點心意。不過日前就有網友在Facebook群組發文,懷疑姜濤將粉絲送的禮物直接丟掉,掀起網民熱烈討論!

有網民在Facebook群組Post出一張垃圾桶的相,寫道:「無意中喺垃圾桶發現……點算好?在線等。」相中所見,有數個疑似是粉絲送給姜濤的禮物盒和紙袋被棄置在垃圾桶中,其中一袋寫上「To姜濤」,另外更附上一張心意卡。雖然有網民推測是禮物被遺棄,但亦有粉絲認為應該只是包裝袋:「係有工作人員幫佢Pack好啲禮物畀佢帶走」、「姜濤經常用姜糖禮物㗎,工作人員會幫佢抽好入面的禮物分好一袋畀佢帶走」、「袋都唔準掉」。

而姜濤經理人花姐今日(26日)就在IG Stories回應:「這些只是禮物的包裝紙袋,所有姜糖送的禮物,姜濤已收到。他非常珍惜及感謝你們的心意,大家不用擔心亦希望不要誤會。」姜濤亦連出兩個Post表示:「今後所有的禮物及其包裝紙袋我均會自己全權負責,在此向所有傷心或擔心的糖們道歉!」、「放心,你們寫的每一個字每一句話我都有看到。」

花姐在接受《香港01》訪問時亦激動澄清,並表示會徹查此事:「因為收到啲禮物太多袋,咁會好難拎。所以粉絲送畀姜濤嘅禮物都係姜濤睇咗後,喺公司由工作人員拆咗,將所有禮物放入一個紅白藍膠袋,再將紙袋折返好攝埋喺旁邊,之後成個袋交畀姜濤拎返屋企。嗰啲只係包裝紙袋,禮物已經攞晒出嚟。我而家反而比較擔心張相係喺姜濤屋企附近特登影嘅,唔係喺平時公司個廠,但我希望唔係。我寧願係我哋嘅工作人員冇跟指示做錯咗,不過未肯定,同埋嗰日我哋都搵咗好多Helper幫手,而家逐個問緊睇下係邊個做錯。粉絲唔使擔心,所有禮物姜濤都一定有過目,佢好鍾意同好珍惜Fans送嘅禮物。」

點擊瀏覽《香港01》更多內容和圖集

你可能感興趣:
【叱咤2019】姜濤踢走鄭秀文企穩歌曲五強 花姐抵死反擊種票疑雲
2019娛樂風雲人物姜濤竟然冇份? 黃心穎高調回港成功再推高人氣