姜濤全黑LOOK行銅鑼灣俾警察截查 經理人花姐:被搜袋同查身份證

姜濤全黑LOOK行銅鑼灣俾警察截查 經理人花姐:被搜袋同查身份證

有網民發起今日「929全球反極權大遊行」,大批防暴警察今午喺銅鑼灣附近巡邏,並不時截查戴口罩的人士,有數名黑衫人士被要求一字排開搜身及搜袋。

有網民影到疑似姜濤(姜B)嘅男子被防暴警察截查,只見戴黑色cap帽、黑色口罩嘅佢表現得十分無奈,一眾姜濤嘅粉絲都十分擔心,並於網上召喚其經理人花姐。亦有網民留言指「係咪唔抵得人哋靚仔過佢哋先」、「嚇親姜b了,快啲拯救姜b」。

姜濤經理人花姐接受《香港01》訪問時,確認該名被截查男子係姜濤,並謂:「剛才姜濤咁啱喺銅鑼灣SOGO附近,因為你知佢平日都係會戴口罩,又著黑衫,所以就俾警方搜袋同埋查身份證,之後就放咗佢走,佢而家無事,已經去咗排舞。」

點擊瀏覽《香港01》更多內容和圖集

你可能感興趣:
【全民造星II.專訪】姜濤接受花姐挑戰親揀接班人:見到佢嘩一聲
【警察唔識姜濤】話你知九件姜B大事 參選《全民造星》前已成名