姚瑩瑩多年獨力照顧仔仔 開支大捱出頸椎移位照開工

姚瑩瑩

91年奪得新加坡小姐冠軍,並代表新加坡參加環球小姐嘅姚瑩瑩,選美期間認識袁詠儀(靚靚),後期更成為好朋友。當時靚靚仲引薦瑩瑩到香港發展事業,喺1995年佢就成為無綫電視藝員訓練班第八期藝員進修班旁聽生。藝員進修班畢業後,正式簽約無綫電視成為旗下藝員,成為當年被無綫力捧嘅五美花旦之一。

本應拍攝劇集有穩定收入及合觀眾眼緣嘅瑩瑩,於2011年時一直被外界指出瑩瑩為圈外姓梁男友未婚產子,咁多年期間男友一直未有公開,大家一直對此事好奇,而仔仔亦係瑩瑩一手湊大。好多人都話「照顧一個小朋友至少要400萬港紙」,需唔需要咁多就未知,不過養育一個小朋友的確需要好大支出。瑩瑩更講明由仔仔出世後,自己就一直擔任「虎媽」一職,要仔仔住好食好成績好。所以瑩瑩安排好多興趣班俾仔仔,更不惜花費唔少錢去交學費俾仔仔入讀國際學校。

姚瑩瑩

幸好佢有份參與處境劇《愛回家‧開心速遞》,喺劇中飾演Helen一角,經常有演出令佢收入穩定。就算家住黃埔花園及仔仔所需用嘅支出,都叫做足夠,令佢少份擔心。

而兼顧家庭及事業嘅瑩瑩,太駁命拍劇搵錢,令到身體疾病纏身。頸椎及脊椎都曾經移位需要長期休息,其中頸椎移位更令椎間神經孔道變形及收窄導致壓住神經,嚴重會引發心絞痛,因為咁樣令瑩瑩經常有作嘔情況。有疾病及身心疲累少打扮出街嘅佢,有時真係連街坊都未必認得出佢。

姚瑩瑩喺《愛回家‧開心速遞》飾演Helen一角
姚瑩瑩喺《愛回家‧開心速遞》飾演Helen一角