姚子羚曾捲入四角戀 與前度現身朋友飯局

姚子羚

39歲無綫花旦姚子羚(Elaine),喺今年初播出劇集《黃金有罪》擔正做女一,佢喺劇中飾演孝順女水敏晶,佢有情有義又有責任心,角色雖然喺尾段逝世,不過就深得觀眾喜愛,唔少人仲大讚佢嘅精彩演出。事業得意,唔知佢嘅愛情又點呢?

之前有報導指,佢喺前年3月與前男友鄭子邦分手,之後喺上年5月佢就捲入桃色糾紛,被爆出與有婦之夫兼夜店董事Raymond拍拖兼疑似有床照流出,當時有指姚子羚同正室蔡宛珊(Sarika)係朋友關係,不過佢又同Raymond拍拖8個月,點知男方仲有個小三,而姚子羚同小三又係認識,呢段四角關係真係複雜到不得之了。之後姚子羚隨即現身交代,仲強調話認識Raymond時對方係單身,及佢哋拍拖半年就分咗手。事隔多個月,最近Elaine同Raymond就被發現現身中環,齊齊出席朋友飯局。

今日有報道指姚子羚同Raymond齊齊出席朋友喺中環嘅慶生飯局,不過姚子羚身邊朋友話佢每次分手都可以同舊男友做返朋友,而佢同Raymond只係有共同朋友,所以當晚先會碰面。慶祝生日飯局點會少得飲酒環節,報道指當晚完全被動嘅Elaine與Raymond冇乜親密行為,但就被Raymond拖咗一下手。

姚子羚
姚子羚
姚子羚
姚子羚