「妙麗」反羅林撐變性人 羅林搬出性侵過去

「妙麗」愛瑪鬧羅林,力撐變性族群。

《哈利波特》小說作者羅林(J.K. Rowling)早前因為嘲諷政治正確新詞「來月經的人」,認為應該直接叫「女人」,結果被批評歧視變性族群,因為變性女人沒有月經,而變性男人則有月經。

繼電影《哈利波特》系列男星丹尼爾烈格夫(Daniel Redcliff)與《哈利波特》前傳《怪獸與牠們的產地》(Fantastic Beasts)系列男星愛迪雷美(Eddie Redmayne)批評羅林後,於《哈利波特》飾演「妙麗」的愛瑪沃森(Emma Watson)亦加入「割席」:「變性人係可以自選身份,佢哋應該可以隨意過佢哋想過嘅生活,而唔係不斷被質疑,或者畀人話佢哋唔係佢哋自己選嘅身份。我想我所有變性人追隨者知道,我同世界上好多人都接受你哋、尊重你哋同愛你哋,去做返你哋自己。」

愛瑪「大義滅親」。

羅林留言反擊,自言不是歧視變性人,但如果消除性別的概念,會令很多人無法有意義地談論人生。她再撰寫長文自爆是性侵與家暴的受害者:「我依家講呢啲,唔係想得到同情,但只係支持好多有我同樣經歷嘅女人,佢哋只係想要單獨性別環境,而被當成係偏執狂。」

她繼而表示:「如果你畀任何認為或覺得自己係女人嘅男人,行入女廁或女更衣室,而性別認同證書又唔需要你任何手術或注射荷爾蒙就得到,咁你即係打開門畀所有想入嘅男人去入去。呢個係簡單嘅真相。」