如果綜藝節目變成劇集 效果會點呢?

近年無綫劇集收視屢創新低,反而綜藝節目就愈睇愈有新鮮感,有旅遊、飲食﹑清談甚至有教育性嘅節目,照顧到唔同階層嘅口味。如果將啲綜藝節目變成劇集唔知效果會點呢?

1.《Do姐再Shopping》變《男親女愛》
節目中Do姐成日鬧農夫,喺播緊嘅《Do姐再Shopping》中農夫亦不甘視弱狂窒Do姐,引發連串笑彈。場面就好似Do姐同男神黃子華合作嘅無綫經典劇集《男親女愛》咁,大家互窒又狂爆金句,今時今日都會令人捧腹大笑。

image

2.《阿爺廚房》變《深宵食堂》
李家鼎拍攝嘅飲食節目《阿爺廚房》顯現一身好功夫,認真選食材同煮菜完全無耍花巧,一班觀眾都話睇完學到好多野。如果鼎爺拍港版《深夜食堂》一邊煮野食,一邊同熟客傾下計做下心靈導師,應該都好適合。

3.《小生去旅行》系列變爭產劇?
旅遊節目《小生去旅行》由幾位爺爺輩嘅胡楓、曾江、謝賢及Joe Junior做主持周圍去旅行,節目中佢哋經常互窒,有時又發下脾氣咁,再加上謝賢宣傳《4個小生去旅行》時怒摑曾江,佢地都幾適合拍返套大家族爭家產嘅劇,講述年輕時幾兄弟努力賺錢成為有錢人,因為誤會而搞到爭家產,最終梗係和好如初啦!

image
image

4.《學是學非》變《Gossip Girl》
最新第五季由麥美恩、梁嘉琪、湯洛雯、馮盈盈、劉穎鏇及張寶兒主持嘅《學是學非》,雖然有幾隻「是非精」已經換咗人,但吸睛度高同埋仍然嘈喧巴閉,做實驗時一樣擦出唔少火花。雖然佢哋有時係有啲吵耳,但仍然深得觀眾歡心!如果將一班「是非精」轉拍港版《Gossip Girl》,相信咁多女仔一定會是非不斷,吸引觀眾收睇。

image
image
image

5.《Ben Sir研究院》變校園劇
《Ben Sir研究院》帶大家研究粵語具有學習性,雖然內容有時講咸濕話題,不過亦可引觀眾注意。 咁有教育意義嘅節目可以拍成《青出於藍》教下一班意見多多嘅學生粵語同講解潮語。

image
image