好老闆難求! 古天樂名下酒樓暫停營業員工可享有薪假

古天樂名下酒樓暫停營業員工可享有薪假

新型冠狀病毒肺炎疫情持續,食肆及零售業首當其衝,唔少商舖都相繼結業,就算冇結業員工都被逼放無薪假。各行各業開始出現大量裁員潮,搞到人心惶惶。

喺呢個時勢有個好老闆真係好緊要, 就好似古天樂 (古仔)咁,於2015年投資千萬入股嘅酒家最近都要暫停營業。呢段時間酒樓有約40名員工唔洗返工,但好老闆古仔安排員工繼續享有有薪假。古仔回應話酒樓生意一直幾好,亦有唔少明星客捧場,由農曆新年到而家都一直做得住。只不過今次疫情嚴重,一班管理層決定為員工和顧客着想,決定暫停營業一段時間,預計3月初會重開,不過都要睇返到時疫情情況而定。

古仔更話而家經濟環境咁差,會盡量保住自己員工嘅飯碗,唔會炒人同要求員工放冇薪假,幫得一個得一個。而佢影視公司旗下嘅製作公司、經理人公司等約有五六千名全職員工就可以改為在家工作,希望大家可以盡量留係屋企避免有感染風險。