好消息!漫威索尼傾掂數合作《蜘蛛俠3》

好消息!漫威索尼傾掂數合作《蜘蛛俠3》

早前爆出漫威同索尼談判破裂嘅消息,導致《蜘蛛俠》電影系列唔會再喺漫威電影宇宙(MCU)出現,亦即唔會再同「復仇者聯盟」嘅成員有任何互動,粉絲們聽到之後真係心都碎埋!

不過世事無絕對,啱啱就傳出有轉機,據知漫威同索尼達成協議,佢哋會共同製作《蜘蛛俠3》,主角仍然係Tom Holland,上映日期暫定2021年7月16日。漫威總裁Kevin Feige證實消息表示:「好開心蜘蛛俠喺MCU嘅旅程將會繼續,我同漫威所有人都為我哋嘅努力感到興奮,蜘蛛俠係唯一一個影業跨界合作嘅超級英雄,隨住索尼開發蜘蛛俠宇宙,你永遠唔會知道將來會有乜嘢新驚喜。」言語間透露「蜘蛛俠」將會存在於MCU同埋蜘蛛俠嘅宇宙入面。