好心做壞事!莊思敏撲錯活性碳口罩送畀同事

希望莊思敏唔係高價買入啦...

武漢肺炎肆虐,各地都鬧口罩荒,令大家已到咗飢不擇食、慌不擇路嘅地步,見罩即瘋搶,甚至買到冇用嘅口罩!藝人莊思敏(Jacquelin)呢日就晒出一盒口罩,留言:「現在這個比黃金更重要。今日幸運地買到幾盒,把2盒送給劇組同事。這個時候分享很重要。」雖然佢真係好善良同熱心,不過有網友就發現呢盒口罩只係防塵嘅活性碳口罩,主要阻隔有機氣體同異味,唔可以抗菌及抗病毒,所以戴咗都冇乜防護功效...睇嚟Jacquelin又要再撲過喇!

其後Jacquelin再分享咗張托住個頭、個樣有啲苦惱嘅相,晒出事業線祝大家「立春大吉」,佢留言:「今天立春#立春大吉#愛拯救世界#恭喜發財」網友都祝佢早日買到有效嘅外科口罩呀!


大家記住活性碳口罩係抗唔到菌同病毒㗎!