【女大十八變】《超級巨聲》趙展彤大個女啦 !

趙展彤呢個名,我諗大家都冇咩印象! 當年年僅12歲,成為最年輕參賽者嘅趙展彤,以一身老積妝容同衣著走去參加《超級巨聲》,參選期間有指態度囂張,對父母言行極為惡劣。喺前年,佢仲參加咗內地歌唱節目《中國好聲音4》,熱愛唱歌嘅佢,立志要喺娛樂圈發展。

唔經唔覺佢而家已經19歲,估唔到當年一個濃妝小妹妹,而家終於學識化妝,仲搖身一變變左個索女。除咗對朦豬眼唔見左之外,連個下巴仔都變尖,一班網民都話佢靚咗好多,仲話佢睇落有少少似楊冪添呀!