【失憶24小時】湯洛雯修身成功靠運動 譚俊彥:靚湯係唔使撇油嘅

【失憶24小時】湯洛雯修身成功靠運動 譚俊彥:靚湯係唔使撇油嘅

TVB小花湯洛雯(靚湯)在無綫新劇《失憶24小時》中飾演一名心理醫生,今日她出席劇集拜神儀式時接受《香港01》訪問,透露了她在劇中與男主角譚俊彥的曖昧關係。

湯洛雯講道:「喺劇入面我會幫阿Shaun(譚俊彥)搵返嗰24小時嘅記憶,所以就會好多對手戲,不過我哋又唔算係情侶,應該算係友達以上,戀人未滿。」她表示,自己跟譚俊彥的外型十分相襯:「我好開心我哋兩個都係大頭寶寶!」語畢,她即時叫了路過的譚俊彥入鏡,說:「係咪呢?」

拍劇時有甚麼趣事?湯洛雯回答:「我同佢相處方式就怪啲囉,因為我同佢都係非一般正常人。」譚俊彥:「因為我都唔正常㗎!我都叫佢唔好扮正常,(拍劇時)做返自己唔正常咪啱囉。」言談之間,湯洛雯也大讚譚俊彥:「佢超好人,超Nice,超有型!呢樣嘢好緊要。」譚俊彥又讚她是「靚湯」,更開玩笑的說:「靚湯係唔使撇油嘅。」湯洛雯:「喂吖,哈哈,又係浩然(黃浩然)呢句,不過多謝佢。」

被問到近來的減肥計劃,她說:「我而家畀個目標自己,令到做運動變成自己嘅生活習慣,所以並唔止修身咁簡單,同埋我想練返少少肌肉。」有磅過瘦了多少?「冇,因為我覺得磅數係會畀自己壓力。」

點擊瀏覽《香港01》更多內容和圖集

你可能感興趣:
【學是學非】湯洛雯太忙被迫離開 由綽號「美人魚」港姐頂上
公司再落命令減肥? 湯洛雯花兩個半月再瘦十磅!