太太誕逾6磅「小乖乖」林子善喊到豬頭

東方日報
林子善到醫院探妻女,講起抱B女幾興奮!

藝人林子善昨日凌晨在社交網站宣布太太董佩欣順利誕下女兒,稱讚太太「超級無敵勁」,又大爆自己「變成豬頭哭成淚人」。昨日子善於下午二時多現身東區醫院探妻女,他透露太太花了廿五分鐘便極速完成分娩:「佢好怕痛,原本想開刀,但醫生建議佢試吓順產,最後佢係冇麻醉、冇用無痛分娩,只係用咗笑氣。(你開心到喊?)冇喺太太面前喊,護士叫我去隔籬床時,我喊到流晒鼻涕,口罩都濕,母愛真係好偉大!」他稱原本想剪臍帶,但助產士太快手,已幫他剪了。

子善透露BB重6.292磅,非常精靈,鼻子似太太,樣子似自己:「未改名,會搵師傅改,依家叫佢做『小乖乖』。」他指家中已有三大高手協助太太:「有外母、陪月同工人姐姐,我地位最低,係管理員加保安,我依家已經停工,錢可以之後再搵,最重要係太太嘅情緒。」