太太佗第二胎未夠三個月 張致恒再做老竇

雯雯真係再有喜呀!

藝人張致恒(Steven)今年七月宣布同圈外女友雯雯育有一子張天寶,當時仲為天寶舉行百日宴,之後九月二人正式簽字成為夫婦,Steven更為養家,要喺四星級酒店「炒散」,喺廚部做散工。

估唔到已經七個幾月大嘅天寶好快就可能做哥哥!雯雯呢日喺社交網留言,指自己食唔到嘢,仲話做咩都冇力:「已經幾日食唔到野(嘢)..咩都冇力做唔到,辛苦你照顧個仔仲要照顧我,辛苦你要將我食完一兩啖既(嘅)野嘢食埋佢,辛苦你要一日煮咁多餐比(畀)我食,辛苦你要遷就我既(嘅)脾氣同無理取鬧。仲有幾個月..大家一齊努力堅持埋佢!」隨即Steven即留言安慰老婆,話要好好減肥,如果唔係抱唔起兩個:「因為你我真係要好好減肥先得,如果唔係我抱唔到倆個啊,我愛你!」令網友猜測雯雯再度有喜,紛紛送上恭喜。

據知,雯雯已經有喜,但未夠三個月唔講得!