《天涯俠醫》女星唔識老 凍齡秘訣大公開!

4個都唔識老咁嘅!

2004年劇集《天涯俠醫》最近凌晨時分於無綫重播,劇中四位女角色美貌如昔,16年後個樣睇落都冇太大變化,好似食咗防腐劑咁,果然凍齡有道。究竟佢哋有咩絕密凍齡方法呢?

唐寧一定係童顏佼佼者!

唐寧

飾演無國界醫護人員「夏曉彤」,並與林峯有感情線。現年38歲兼兩子女之母嘅佢,臉上冇留下歲月痕迹!之所以十年如一日,與均衡飲食絕對有關,佢為咗更健康同精神,由佗第二胎開始食素,飲食清淡自然愈變愈後生。此外,行文青路線嘅佢少女味十足,猶如中學生一樣,「童顏女神」封號絕非浪得虛名。

同林峯有感情戲!
好Pure呀!
相隔10幾年…
喂呀~
學吓佢文青打扮可以減齡!

郭羨妮

扮演護士「康喬」,依家樣貌、身形同16年前幾乎冇分別,反而變得更有女人味。佢係繼李嘉欣後獲譽為「最靚港姐」,即使45歲外形依然亮麗,作為美貌與智慧並重嘅代表,當然時常保持青春開朗。雖然佢現時忙於相夫教女,但亦毫無疏於保養,加上樂做善事,呢啲咪叫人靚心更靚囉!

郭羨妮當年美貌!
生咗個女都一樣咁靚!
冇走過樣!

李施嬅

現時39歲嘅佢處女作正是《天涯俠醫》,首次演出飾演護士「方雪兒」已展露頭角。佢嘅凍齡秘訣一定係運動喇,身為Crazy Runner一員,有成班好友不時陪跑步,做帶氧運動令肌膚同體態都可以保持年輕。除此之外,原來佢每日朝早都會食一細塊花膠,有美顏恩物加持,唔怪得之皮膚咁白滑啦!

李施嬅處女作!
一樣樣嘅!
跑得多人都年輕啲!
加埋食花膠,唔怪得知啦~

鍾麗淇

扮演義工「蘇惠珊」,當年嘅健康形象同依家對比真係零變化!身為兩女之母嘅佢,淡出娛樂圈後醉心瑜伽,更轉行做全職瑜伽導師,達致身心平和,難怪日常要照顧兩個囡囡,身形仲可以保養得宜,認真Fit到爆!好多網民都大讚佢完全唔似43歲!

鍾麗淇形象一向健康!
轉型做埋瑜伽導師!
咪就係咁練成囉!
精神飽滿呀!