【大醬園】何廣沛同朱晨麗演鬥氣冤家:攞正牌鬧交唔需要負責任

【大醬園】何廣沛同朱晨麗演鬥氣冤家:攞正牌鬧交唔需要負責任

何廣沛(Matthew)今天(14/1)出席TVB劇集《大醬園》的宣傳活動,這套是Matthew第一套擔正的劇集:「第一套真正擔正,不過有30集,cast都好豐富,有坤哥(吳業坤)、嘉樂(黃嘉樂)、岱融哥(吳岱融)、子誠哥(鄭子誠),多到數之不盡,拍攝嘅主要演員有2、30人,雖然話擔正,但大家嘅戲份都分到好勻,都有好多條線。大家都唔會好辛苦,壓力唔會話好大。」

被問到《大醬園》是否與朱晨麗(朱朱)的定情劇,何廣沛說:「其實我拍呢套劇之前同朱朱合作過,《超時空男臣》螢幕情侶嘅關係已經出咗,好好嘅拍檔、好好嘅朋友。再接再厲,第二次合作,角色關係同對上套劇好唔同,鬥氣冤家多啲,好多時都係對罵、對打。可以攞正牌同佢鬧交,唔需要負責任,幾正。」

新年將至,何廣沛家人未有催婚:「屋企人不嬲都冇呢方面嘅習俗,因為屋企人自由度好大同埋好開通,所以佢哋從來都冇迫我,催我呢樣嘢,或者好想我進入人生下一個階段。我都生活得幾幸福,新年唔會有親戚問呢樣嗰樣。都係普通同親戚食下飯,入長洲搵婆婆拜年。婆婆都年紀大,要陪佢多啲。」

點撃睇更多靚相:

點擊瀏覽《香港01》更多內容和圖集

你可能感興趣:
【多圖】王浩信爆肌鼓勵大家新一年挑戰極限:永遠不要低估自己
琦琦首奪腕錶設計獎項 感激遇上「伯樂」沈慧林及沈墨寧