【大肚後唔可以養寵物?】應采兒支持棄養 網民鬧爆冇常識不負責任

《新生日記》截圖

如果屋企有養寵物,但係懷孕點算好?相信大家過往都聽有唔少人聲稱為咗BB嘅健康,而選擇最不負責任嘅行動 - 棄養。內地真人騷《新生日記》邀請幾位明星準媽媽出演,及搵嚟應采兒擔任主持,主要就係拍攝佢哋嘅日常生活。準媽媽馬劍越因屋企人叫佢棄養寵物,搞到好唔開心。應采兒就表示「絕對送走」,結果引起大批網民不滿兼鬧爆佢。

《新生日記》截圖

喺早幾日播出嘅第三集中,準媽媽馬劍越屋企養咗2隻貓同1隻狗,不過媽媽就因為擔心影響寶寶嘅健康,所以想將寵物送走,搞到佢好唔開心。喺呢個時候,應采兒話:「我跟你講不用管她,等她小孩子出生了以後過敏,呼吸困難她就知道了,絕對送走。」之後仲話:「貓的毛比狗的毛細,貓的毛很容易引起氣喘,而且小朋友沒有鼻毛,等妳小孩這樣子(做出一個誇張嘅氣喘表情),妳到時候再哭吧!」

《新生日記》 截圖
《新生日記》截圖

應采兒呢番說話出街後,引起唔少網民不滿,紛紛留言鬧爆佢胡說八道、冇常識及對小寵物不負責任。