大病初癒余德丞 瘦都胸肌都冇埋

前香港游泳隊代表兼無綫新晉小鮮肉余德丞(Dickson)憑42吋胸肌成功跑出,不過上年8月喺踢波途中突然昏迷,立即被送往瑪麗醫院深切治療部,心臟一度停頓,情況危殆。好彩最終大步檻過,但要休養一下,工作全面停工,當然劇烈運動都唔可在做住。 

近排見佢開始逐漸復工,不過大病初癒,點都唔可以咁操勞。所以有記者喺街頭見到佢時,身形比之前瘦咗好多,全套衫著到佢都有啲鬆,連最吸引人嘅胸肌都縮晒水。Dickson早排喺社交網話「2019年想重返球場踢波,做一個體力充沛嘅中場指揮官」,唔少網民都留言支持佢,無論如何身體健康最緊要。