【多功能老婆】小演員阮天寶獲大讚好演技 全劇最好戲竟然係佢?

【多功能老婆】小演員阮天寶獲大讚好演技 全劇最好戲竟然係佢?

無綫台慶劇《多功能老婆》之「愛情序章」記者會於將軍澳電視城舉行,出席演員包括有陳煒、周柏豪、黄浩然、朱晨麗及洪永城等,除了眾星之外,另一焦點就是現年7歲新晉童星阮天寶身上,劇中他飾演楊千嬅的兒子,據說在戲中有神勇演技,備受幕後讚賞,連同劇演員都比不下去,聽落相當犀利。

對於兒子被幕後激讚好演技,阮太接受《香港01》訪問時坦言不敢當:「佢冇學過演戲,可能自己本身7年前做過兩間電視台嘅編劇,可能係解構個劇本嘅時候,可能畀到佢多少資訊,令佢明白啲嘅故仔,等佢容易啲消化,其實睇住佢拍戲,呢個對小朋友嚟講,係好難得嘅經驗,望住佢成長咗好多。」

(囝囝咩機緣參演呢部?)阮太表示:「其實天寶係監製陳寶華個契仔,嗰陣時咁啱想搵小演員,畀咗個機會佢嚟試鏡,導演亦覺得佢好適合,所以最終都畀咗呢個角色佢去做。」(天寶被問到今晚劇集首播會否收看?)他一面稚氣說:「如果做完功課就會睇,因為仲有兩份功課要做,但有一樣功課麻麻地,我諗聽日都要做多一陣間。」

(同楊千嬅做對手戲緊唔緊張?)天寶腼腆說:「都緊張㗎,有陣時會唔記得咗對白。」(覺得千嬅姐姐點樣?)天寶快語話:「佢好靚。」(媽咪靚啲定千嬅姐姐靚啲?)天寶猶豫兩秒話:「兩個都靚!」幕後大讚有天份,果然係有跡可尋,天寶除咗演戲叻之外,原來講嘢都好叻,氹得在旁媽咪滿心歡喜。

點擊瀏覽《香港01》更多內容和圖集

你可能感興趣:
【多功能老婆.劇透】洪永城出軌被發現? 周柏豪載朱晨麗捉姦
【多功能老婆】24歲女新人驚世脫俗 一出道已連掃五獎