《多功能老婆》被抽起無得做台慶劇? 傳與周柏豪有關

《多功能老婆》

無綫重頭劇《多功能老婆》成功邀請闊別無綫劇集17年嘅楊千嬅做女主角,仲搵咗周柏豪、黃浩然、朱晨麗、黃錦燊、洪永城、陳煒、吳若希及許紹雄參與等等。唔少人都好期待電影《新紮師妹》嘅「方麗娟」、「劍雄」及「方鍾Sir」再度相聚,不過近日網上有傳無綫考慮到社會局勢同埋相關演員嘅新聞,所以將原本係今年台慶劇嘅《多功能老婆》抽起,押後到起碼下年4月先播出。

傳《多功能老婆》被抽起冇得做台慶劇

《多功能老婆》被押後播出嘅消息傳出後,唔少網民都覺得好遺憾,仲有網民猜測可能係同周柏豪近日嘅新聞有關。

喺早前,周柏豪盡公民責任,喺社交網站呼籲大家登記做選民,點知被內地網民誤解為支持港獨,大批內地網民喺柏豪IG同微博留言指責佢,仲封佢做「港獨豪」。雖然柏豪事後有微博撰文解釋,不過呢個PO就被微博自動和諧。柏豪原本後日(13日)會到重慶出席音樂節,不過最新海報已被除名踢走,唔少人都懷疑受事件影響。

黃浩然&周柏豪