【外語930】《驕陽似我》為人師表點做先啱?


天子門生,學習知識以外,仲包括學習道德觀、爭取公義、盡量發揮內在潛能。可惜香港教育希望學生求學只為求分數,讀書為咗搵更多錢,對社會責任等議題最好不聞不問!好在,香港人有自省同獨立思考能力,不惜代價守護普世價值。

今日同大家介紹一套1998年上映嘅由Gus Van Sant執導嘅《驕陽似我》(Good Will Hunting),睇下為人師表應該點樣為學生解困,步上康莊大道。故事講述Will(Matt Damon飾)是個自我率性的孤兒,雖然擁有驚人記憶力和數學天份,但性格不羈,不肯面對現實而甘於平凡度日,終日與朋友查Chuckie(Ben Affleck 飾)混在一起,以兼職維生,生活陷入「蒲吧、打鬥、被捕、上庭」的公式。

一次,Will被控傷人,一心想提拔他的大學教授Lambeau(Stellan Skarsgard 飾)將他保釋,條件是Will須定期跟他研習數學,並接受心理轉導。不過,Will沒有因而改過。直至遇上跟Lambeau亦敵亦友的教授Sean(Robin Williams 飾)後,Will嘅人生觀先慢慢改變過來。

Lambeau發現Will嘅數學天賦,一心想推佢成就事業,但真正幫佢發揮潛能嘅卻係心理學教授Sean。Sean同Will初次會面以憤怒收場,因為Will以惡劣及自大嘅態度掩飾童年創傷,以同人保持距離作為自我保護,好彩Sean無一走了之,繼續與Will會面,用耐心及細心聆聽,「唔係你嘅錯」(it’s not your fault),幫Will走出傷痛,好好面對自己嘅人生,包括事業、友情及愛情。

當年Matt Damon同Ben Affleck2個黃毛小子憑《驕陽似我》摘下奧斯卡最佳劇本,一鳴驚人展開燦爛星途!電影唔係真人真事,不過happy ending嘅勵志故事,話咗俾我咃知為人師表唔需要係通天曉,亦唔需要上山下海咩都識,至少用心聆聽學生心聲,有時只需要陪伴在旁,就足以幫佢地搵到出路。