外國版《西遊記》唐僧變咗女人?

《西遊記》呢部巨著如果話係永恒嘅經典著作相信冇人會反對,佢嘅影響力甚至超越國際,好多地方都爭相翻拍。最近澳大利亞廣播電視台ABC就宣佈將會同Netflix聯手打造全新嘅《西遊記》,製作方面就會由曾經獲奧斯卡最佳影片《皇上無話兒》嘅團隊擔任,預訂2018年就可以播映。


劇集今次會叫《美猴王傳奇》(The Legend of Monkey),雖然話係翻拍,不過佢哋今次就話會將魔法同現代世界融合,而呢個外國版同日本版一樣 (深津繪里飾)、搵咗一名女仔做唐僧,由Luciane Buchanan飾演!

造型照仲啱啱曝光,豬八戒就有演員Josh Thomson扮演,佢仍然攞住支叉,不過就無咗個豬鼻。而主角馬騮精就用澳籍泰國人演員Chai Hansen飾演,不過好似大隻咗啲喎。而今次沙僧亦變咗成頭銀髮嘅女人扮演,更由 Emile Cocquerel飾演,身材仲要相當火辣添,真係不得不佩服外國人嘅創意。

大家又期唔期待呢個版本呢?