堅稱冇同陳瀅拍拖 陳家樂唔敢諗戀事:我好驚!

陳家樂澄清跟陳瀅是兄弟不似情侶。

【星島日報報道】陳家樂被拍得與陳瀅撐檯腳及返女方香閨,家樂出席電影開鏡禮時稱:「我就嚟無朋友!我啲朋友都話以後唔使同我吃飯。(你餵陳瀅食野?)角度問題。」

家樂否認到陳瀅香閨,並解釋對方駕車載他到其住所附近的港鐵車站。他說:「我哋唔係拍拖。(可有發展機會?)唔諗呢啲,我好驚!上星期就傳我同湯怡,今個星期就陳瀅,每個都係我工作伙伴,就嚟無晒朋友。」他認為陳瀅屬於義氣仔女,感覺似衛詩雅,好有雷氣。問到喜歡這類型有雷氣女生?他說:「好朋友,似兄弟情,如果由一個兄弟去到情侶唔似囉!」

至於在新戲《死因無可疑》飾演保險從業員,家樂謂現實中也做過一年保險從業員,導演記得他做過這份工,所以找他演出。他在戲中跟湯怡是一對,情侶常有爭執,亦有少許親熱戲。問到可有錫嘴戲?他說:「未知,劇本有提過,但未知尺度。」戲中演大學生的湯怡今次以戴假髮演出,原本她想剪短髮,但之前部戲未完成,所以戴假髮上陣。(攝影:鄧國良)

睇更多