基因強大!楊秀惠索阿妹身材Big爆腰幼腿長

有其姊必有其妹呀!

藝人楊秀惠(Vivien)有一兄一妹,原來今日平安夜係佢哥哥生日,不過佢竟然圖文不符上載同妹妹Fiona合照!焦點就落喺Fiona身上,事關原來佢同家姐一樣咁靚,但唔同嘅係佢一頭短髮行型格路線!Fiona不時喺Instagram晒索爆性感靚相,見佢擁有豐滿身材、黃蜂腰、美腿,副Body真係勁煞食!

而楊媽媽非常後生又省鏡,同兩個女似足三姊妹咁,基因非常強大!唔少網民都好奇究竟哥哥係咩樣呢?Vivien就保持神秘未有公開:「今日亦係我哥哥生日!所以祝哥哥生日快樂🎂🎉我同阿妹會買個蛋糕然後喺香港好好幫你慶祝生日嘅!( 但哥哥人喺馬來西亞🤣)哥哥生日係平安夜嘅好處就係,生日+聖誕= 一份🎁就夠了 😝😝 #為保持哥哥嘅神秘型男形象所以相post我同阿妹就好了」睇嚟大家要等吓喇!