城城扮聖誕老人細女掛住瞓!

東方日報
《麥路人》舉行多場試映,以趕及報名《金像獎》。

藝人郭富城、楊千嬅、顧定軒與導演黃慶勳昨日到尖沙咀出席新片《麥路人》試映,電影於月底前舉行多場優先場,以符合報名明年《香港電影金像獎》的資格。城城表示跟太太及兩位女兒到沙灘慶祝聖誕:「係二寶第一次去曬太陽,但大寶怕水,二寶就瞓咗覺。」一家人吃完聖誕大餐後,城城首次扮聖誕老人氹女,逗得大寶非常開心,二寶則繼續瞓覺。

至於千嬅表示剛從雲南工作返港:「我仲要幫個仔搞幼稚園同學Party,班朋友由佢兩歲開始識起,想幫佢哋維繫住。」又透露需再返內地工作,無暇與劇集《多功能老婆》演員食結局飯,但講明結局夠爆!提到日前出席晚會時與國家主席習近平握手,千嬅表示作為表演者要尊重大會,自己有工作就開心,又在台上回答如何面對逆境:「有時做嘢唔係只為自己,要為個團隊,所以要放低個人想法。」

城城與千嬅陪家人過聖誕,享天倫樂。