埋牙前要「淨身」! 張振朗硬咀思貝呻攰

東方日報
張振朗唔要替身,親身做鐵騎士晒型格。

張振朗與張曦雯最近在疫境下拍攝親熱戲,前者與蔡思貝為求效果難逃真咀,張曦雯與王浩信則借位完成咀戲。由於近期頻頻開通宵,張振朗與張曦雯齊聲嗌攰!

無綫新劇《踩過界II》演員張振朗與張曦雯日前分別在大角咀及上環拍外景。張振朗駕駛電單車出場,有型有款,他笑說:「呢架戰車由第一集揸到依家,今集終於可以大部分電單車戲係自己揸,唔使用替身,亦因為拍戲鍾意咗電單車。」至於飾演律師的張曦雯則在街頭拍攝跟蹤陳國峰的戲份。

難頂哨牙妹爆笑

張振朗透露近日與蔡思貝拍攝親熱戲,笑稱疫情下亦難逃一咀:「冇辦法,為咗拍好場戲都有接觸,事前有刷牙,乾淨、安全至上。最難頂係見到佢棚哨牙,我笑點又低,真係好難忍笑!」張曦雯則表示疫情下盡量減少親密接觸,借位完成與王浩信的咀戲。

張曦雯練霸氣「上庭」

兩人近日接連拍攝通宵戲,雖然有足夠時間睡覺休息,但日夜顛倒難免疲倦,張振朗笑說:「頂得住,不過都有食維他命打底,增強抵抗力。」張曦雯亦說:「OK啦,嚟緊開法庭戲就辛苦啲,因為好多對白要記。自己比較柔弱,同王浩信好多對手戲,法庭戲要學習霸氣啲,唔可以輸蝕。」

張曦雯開工捱通頂,忍唔住呻攰。