型格暖男大叔袁文傑 愛貓離世傷痛仍在

娛樂

鏡頭前的袁文傑給人的感覺總是自信又型格,但原來硬朗背後他也是一個感性的暖男大叔!數月前愛貓離世,袁文傑一直未能釋懷,工作過後常見一臉愁容,讓人心痛!

撰文、圖片:東方新地

與袁文傑相伴10年愛貓離世心情低落

養過寵物,都明白相伴多年寵物離世,嗰種痛楚與失去至親不相伯仲,既不是三言兩語能形容,也不是一時三刻就能釋懷。貓奴袁文傑愛貓囝仔與他相伴十年,去年開始病重身子漸差,今年8月終於離世,事隔數月,日前去到電視城飯堂醫肚,一支公食住碗麵,袁文傑心事重重咁嘅樣,似乎又真係仲未提得起勁。

原來是日電視城工作已經完成可以收工,不過袁文傑志在醫肚,都係決定一個人在公司飯堂求其解決。
袁文傑晚餐一個人草草了事,收工在門口遇見 fans,一向友善又專業,都係笑笑口講再見。

對人歡笑背人愁忘不了愛貓味道

其實作為演員做幕前工作,對人歡笑係專業,背對住人呢?囝仔去世兩個月後少露笑容亦都少更新社交網,袁文傑早排都自爆心情仲未回復,話仲記住抱住囝仔嘅親子時刻,更加記住囝仔嚥下最後一啖氣時身上嘅味道,硬漢都有柔情一面。

陪伴寶貝貓囝仔醫病再走埋最後一程,事隔兩個多月,袁文傑出po話仲未回復心情,所以近排冇更新社交網。

延伸閱讀:

40歲章子怡宣布陀第二胎 不怕做高齡產婦繼續堅持工作

森美旅行團大騷肌肉!森美3個月減20磅 7招必學減肥法│頭號粉絲