囡囡被虐 湯怡媽心痛照捧場

東方日報
陳家樂與湯怡的合作擦出火花,吸引觀眾願意買票入場。

隨着疫情緩和,影迷重新走入戲院,由陳家樂及湯怡等主演的英皇電影《死因無可疑》近日上映,外界反應比預期更理想,上周四開畫至今,已錄得超過270萬港元票房,教台前幕後振奮不已。家樂說:「我知道戲院賣飛仲係要分開位嘅,加上唔少戲院都減價吸客,換句話嚟講,其實我哋套戲應該已經有400萬票房嘞,係個好鼓勵嘅數字。」他坦言目前百業蕭條,但身邊朋友仍主動購票,代替用換票證入場支持,令他相當感動。

湯怡亦回應:「聽到呢個消息真係非常開心。其實唔止我,連我媽咪去飲茶都聽到街坊講呢套戲,原本佢唔睇懸疑恐怖片嘅,依家都話要入戲院支持我,我就同佢講:『啱嘞,你去睇吓你個女點畀人虐待啦。』」