囡囡戴Baby假髮爆喊 張繼聰即扮長髮公主氹番

阿聰話為了氹番囡囡,一於「我頂」。

【星島日報報道】張繼聰出名錫太太謝安琪(Kay)和一對仔女,Kay近日就買了假髮造型給囡囡Katrina,結果囡囡一戴上即爆喊,老竇阿聰見狀不但即刻拿走假髮,為逗女兒開心,自己更戴上假髮扮公主!囡囡見到露出了伸脷趣怪表情,可愛又搞笑。

阿聰今日凌晨在facebook上載一輯連橫圖,見到他為囡囡戴上長假髮後,囡囡即皺眉兼喊晒口。阿聰見到,就一於自己戴上假髮,笑著跟囡囡揮手,囡囡定晒神望著阿聰,未知是否未能認得到阿聰爹哋,還是被爹哋的長髮造型嚇呆,她其後轉身望向鏡頭伸脷,似想逃走,可愛到爆。

阿聰又留言:「原來家吓好興買d(啲)Baby假髮,嚟幫d(啲)小朋友影吓城市驚喜,點知依(呢)位小姐唔鍾意⋯⋯為咗唔想媽咪失望,依(呢)單野,我頂‍ #童年陰影系列」。

不少網民見到都留言:「為了前世情人,頂硬上」、「見到個假髮真係笑死,Btw kakaball 啲表情好鬼正」、「呢個daddy簡直無得頂呀」。

睇更多