因為爸爸一句話!廖碧兒被迫放棄夢想做醫生

到底Bernice爸爸講咗啲咩?

一個人冇夢想同條鹹魚有咩分別?但藝人廖碧兒(Bernice)有個夢想從來都冇實現,講起嚟,佢自己都有啲唏噓!

令佢做唔到醫生?

Bernice由細到大就想做醫生,希望憑自己雙手救人。佢距離夢想近在咫尺,大學時已選讀醫科,杏林夢已能觸及,殊不知爸爸一句話令佢改變一生。

入娛圈唔止做醫生!

佢喺ig有感而發,話自己過去一年終於完成學業,補完自己「Something Is Missing」,不過Bernice佢當年因為爸爸驚佢讀醫到成為醫生,一讀就係十幾年,怕佢嫁唔出,所以中途轉科,繼而參加選美,走入娛圈呢個大染缸。

佢中途轉科後就參加選美!

好多嘢係整定嘅,雖然Bernice冇成為真正醫生,但最起碼都喺神劇《妙手仁心》過吓做醫生癮。佢仲話雖然做唔到真醫生,但幸運地喺演藝生涯中途有機會闖入釀酒界,做到自己鍾意做嘅事,其實都好幸福呀!

做公主都得!