因住頭痛 葉翠翠未坐足月全家去海灘玩

成家人即興去咗海灘~

前港姐葉翠翠上月誕下第三胎兒子,最近都留在家中坐月兼專心照顧三個小朋友嘅佢,呢日終於出關,孖住老公「二打三」,一家五口齊齊去街街。唔知係咪太耐冇外出難掩興奮,佢哋竟然喺冇任何計劃下即興去咗沙灘,而翠翠嘅老公更拖住大仔二仔落水,不過好彩翠翠向來有兩手準備,一早帶定後備衣物,認真係「多功能媽媽」,佢表示:「在沒有準備之下我哋去咗沙灘...好彩媽mi每次去街都會幫他們帶多一套衫褲咋。」計一計條數,三仔出世到依家應該未夠一個月,唔少網民留言提醒翠翠未坐足月要小心,唔好掂冷水之餘,仲要小心吹完海風會頭痛。