回顧55歲劉青雲初出道陳年相 港產野獸感男星!

東方新地 - 娛聞

英皇賀歲片《廉政風暴 煙幕》票房迄今勁收三千二百萬,成為賀歲檔最賣座華語電影,片中一眾影帝影后大鬥演技精彩百出,今次搵嚟片中演廉政高級調查員嘅劉青雲初出道陳年相!

撰文:東方新地|圖片:東方新地

延伸閱讀:

友情價回歸無綫 林峯恨攞「最受歡迎男歌星」

父子齊操!張繼聰谷子入港足

回顧55歲劉青雲初出道陳年相

|83年 希臘裝媾女

劉青雲83年無綫藝員訓練班畢業後被派影官方刊物賀年相,一身古希臘裝束同佢啲濃密腳毛一樣咁搶眼,跪地向年度港姐季軍李 月芙獻花求愛,但反被佢用嚟扑頭,於是出動利是希望打動對方。

|84年 演Fit佬成名

劉青雲喺84年劇集《新紮師兄》演梁朝偉警察學堂同學倪峰,因身形魁梧兼體能過人而有 Fit 佬稱號,但因捉賊受傷跛腳離開警隊,劉嘉玲同佢結婚時都估唔到佢已變成亡命殺手,青雲憑冷傲 Fit 佬一角走紅入屋。

|86年 淡定又斯文

劉青雲眉粗皮膚黝黑型格豪邁,86 年未滿22歲嘅佢,呢個翹腳坐姿展現佢斯文淡定嘅一面。

|87年 古裝look怪樣

劉青雲喺呢套古裝武俠劇《 天龍神劍 》 演桃源堡堡主徒弟青龍,但佢計劃弒師奪堡主之位,青雲黐古裝頭套 look 怪模怪樣,佢同周潤發一樣係宜今不宜古甚少演古裝劇。

|88年 做天國西王

88年劇集《 太平天國 》劉青雲演太平天國「開國六王」之一西王蕭朝貴,呢個未封王前嘅清裝平民 look,將條辮繑上頭加埋呢個坐姿,盡顯呢位太平軍驍勇將領嘅威風豪邁。

|88年藍潔瑛合照

劉青雲同藍潔瑛係無綫第十二期藝員訓練班同學,但畢業後只喺《畫出彩虹 》合作過,88年戴咗副小雲式粗框眼鏡嘅青 雲同藍潔瑛碰面即時合照留念,但有美女與野獸感覺。

|90年 同星爺鬥氣

周星馳最後一部電視劇《 孖仔孖 心肝 》首次同劉青雲合作演失散兄弟, 劇中首次碰面就留低極差印象,後來 竟然同住一屋,唔知係兄弟嘅兩人仲 同陳秀雯大玩三角戀,宣傳相中佢兩個互毆就知係對歡喜冤家。

|91年 海潮首合作

91年溫碧霞首次為無綫拍劇《與郎共舞》演夜總會知客,同古板木獨嘅建築師兼鄰居劉青雲由鬥氣冤家慢慢變成情侶,但後嚟戀情面臨抉擇,同年 兩人齊齊上官方刊物封面。

|92年 劇集代表作

劉青雲電視劇代表作絕對係92 年神劇《 大時代 》方展博一角,劇中 同繼母藍潔瑛三個妹妹相依為命, 具炒股天份嘅佢定下復仇大計,同 鄭少秋演的殺父仇人丁蟹喺股壇上決生死,而佢同周慧敏演嘅嘅慳妹嘅戀情亦叫人難忘。

|94年 粗獷時裝模

94年劉青雲同新晉玉女楊采妮獲某時裝品牌邀請任 model 拍平面廣告,宣傳刊物兩人各佔一半,相中青雲鬚根 look 著上各式靚衫,粗獷man爆。

|94年 一劇定情

喺神劇《大時代》同劉青雲、周慧敏有 段三角戀嘅郭藹明,現實中周慧敏知道青雲 鍾意郭藹明就充當紅娘,邀請佢兩個一齊去 睇自己嘅紅館演唱會,兩人拍拖四年後拉埋 天窗,係圈中著名模範夫婦。

即時回顧:

劉青雲 郭藹明 恩愛24年

結婚20年,劉青雲和郭藹明這對今年步入「瓷婚」的圈中模範夫妻,至今行街仍會甜蜜拖手,恩愛羨煞旁人,能夠令婚姻保鮮,劉青雲坦言全靠老婆郭藹明功勞,他大讚老婆說:「太太係我人生最好嘅禮物,佢好聰明,我鍾意咩、唔鍾意咩,唔使講佢都一清二楚!」

劉青雲

人生最大膽一次

事實上,當年鼓起勇氣追求現任劉太,劉青雲曾表示這是他人生最大膽一次。據知情者透露:「青雲同Amy 拍《大 時代》嗰時仲未拍拖,佢兩個喺埋一齊都係多得周慧敏撮合,94年Vivian開演唱會,因為知道青雲對Amy有意思,就邀請佢兩個一齊去睇演唱會,幫青雲製造機會,不過之後青雲再約會Amy,都要鼓起好大勇氣,始終當時Amy有學識又靚,而青雲事業先啱啱起步,冇車冇樓,第一次約 Amy去街,青雲仲硬住頭皮叫Amy揸車去接佢,然後一齊食飯,所以到依家佢都成日提起,好感激老婆當時冇嫌棄佢!」

劉青雲

復出要問准老公

眾所周知,郭藹明是美國南加州大學機械工程學雙碩士,當年Amy為青雲放棄工程師工作。想不到人妻婚後至今,仍然為陪老公放棄復出;三年前《大時代》翻播,一眾演員被炒熱,當時就有唔少人邀請Amy復出。Amy友人透露:「嗰時同無綫都出嚟傾咗幾次,不過除咗睇角色, Amy最著重係時間,講明一定要就咗老公檔期先,最後都因為怕困身陪唔到老公,所以傾唔成!」事事老公行先又識得撒嬌,相信就是郭藹明維繫甜蜜婚姻最佳秘技!

劉青雲

激罕當街摟錫

劉氏夫婦出名恩愛,兩人曾被本刊捕獲拍拖到九龍灣MegaBox睇戲,散場離開搭扶手電梯時,郭藹明激罕公開施冧功,兩手從頸環抱老公撒嬌摟錫,甜蜜儼如新婚,睇青雲望住老婆嘅眼神,就知佢完全被老婆降伏!

一齊24年,拍拖行街睇戲好平常,但唔平常嘅係,本來已經係老夫老妻,竟然睇落似足初戀男女咁恩愛,劉太對住老公,非常小鳥依人,身體語言已經表達晒,真係唔使講咁多!
劉青雲

拍拖行超市

兩公婆由司機接載返回西貢,先到市中心超市上糧,入到超市,郭藹明極速去攞手推車掃貨,青雲就跟在後面,唔會乜都等老公服侍,Amy這個超級好老婆真係邊度搵!超市上完糧,兩人坐車返回西貢西沙小築寓所,已經是傍晚六時多,相信Amy又會親自下廚炮製美食,同老公留家撐枱腳。

劉青雲

拒翹埋手等服侍

郭藹明這位碩士港姐老婆,除咗高學歷有內涵,更加是個賢內助,溫柔又善解人意,賢淑能幹兼備。據Amy好友透露:「Amy份人好溫柔隨和,同老公結婚咁多年﹐相處仲係相敬如賓,同老公講嘢仲會講唔該、麻煩晒,青雲受老婆感染,都會同太太講多謝、唔該,相處會互相尊重,而且Amy對住老公仲好識撒嬌,保持住拍拖嗰份新鮮感!做咗少奶奶咁多年,老公又搵到,但Amy都唔會翹埋手等人服侍,佢知老公喺出面工作辛苦,唔想青雲仲要為屋企事費心,自己會將屋企啲嘢搞得妥妥當當,執屋煮飯完全唔使老公操勞,好似屋企要換燈膽,或者簡單嘅髹牆,Amy都會自己落手搞掂,雖然有啲事可以用錢請人做,不過Amy唔想亂花老公啲辛苦錢,會應使得使,平日生活都好平民化!」

劉青雲
劉青雲

兩年幾打造4千萬堡壘

持家有道的Amy,一直手握青雲財政大權,十多年來負責幫老公投資,先後買賣超過十個物業,除咗買樓,亦有買舖及商廈,幾乎每次都賺錢離場,成功幫老公滾大副身家。劉氏夫婦鍾情西貢區,之前租住西貢龍嶺獨立屋多年,14年底以3,280萬買入現居的西貢西沙小築獨立屋,現市值近4千萬,由於該屋苑樓齡已經三十多年,青雲夫婦要將新居全面翻新,裝修工程搞足兩年幾先完成;雖然間屋面對無敵西貢海,但二人卻放棄裝落地玻璃,更封閉唔少窗位,貫徹其低調作風。

劉青雲

據知情者透露:「佢兩個都鍾意住郊區,特別鍾情西貢 區,不過西沙小築好少有放盤,嗰次佢兩公婆一齊去睇樓,Amy 一睇已經好鍾意嗰度嘅無敵海景,就即刻扑槌買,但因為嗰度樓齡已經有三十幾年,間屋要大翻新,Amy仲搵咗設計師同風水師幫手,喺高人教路下,刻意喺大廳唔裝落地玻璃,裝修搞咗兩年幾先完成!」

劉青雲
新居有無敵海景,落沙灘只需十分鐘,兩公婆隨時想行沙灘浪漫吓都好容易,而平日鍾意跑步做瑜伽的Amy,對住個海做運動,相信亦特別心曠神怡。

為打造安樂窩 單拖去旺角揀建材

影帝背後女人一啲都唔簡單,知道老公在外拍戲相當忙,郭藹明就一個人為西沙小築新居搞裝修,兩年多來,經常一個人落上海街,親自買裝修物料,過去曾被本刊拍得打扮樸素去睇裝修材料,當日Amy無論揀地磚、櫥櫃、浴室材料甚至門柄都非常細心,再落手落腳度尺,完全係完美妻子典範。

劉青雲
劉青雲

劉青雲 五大冧妻語錄

平時不苟言笑的青雲,15年憑《竊聽風雲3》奪金像影帝,公開發表 「太空船論」多謝老婆,少有公開講「愛的宣言」的他,唔止台下老婆被感動到眼濕濕,仲冧盡全港雌性動物。

最經典:冧上太空

2015年劉青雲憑《竊聽風雲3》贏得第34屆香港電影金像獎頒獎禮「最佳男主角」,這是他第二次擠身金像獎影帝寶座。劉青雲在台上強忍淚水,感謝太太郭藹明,他說:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」郭藹明聽到劉青雲的話,感動得用手指抹眼淚。

青雲15年再奪金像影帝:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」

公司名以老婆而命名

劉青雲所開製作公司名為「小飛船」,問佢係咪為咗老婆而命名,佢冇否認,只係直言個名順口好聽,冇大家諗得咁複雜喎!

劉青雲所

最冇符:逢嘈必輸

論到夫妻相處之道,青雲自認次次鬧交都認輸:「一來我英文唔夠佢好,二來佢根本唔怕我!冇辦法,遇上佢,我只能夠投降。」

夫婦二人曾合拍的EPS廣告,演恩愛夫妻完全真情流露,唔少觀眾畀二人感動,大讚兩人互動夠甜蜜,劉太郭藹明更凍齡一樣,身材樣貌仍然省鏡!

最有共識 唔諗生仔

結婚20年,好多人都問過青雲夫婦點解唔生B?他說:「我哋根本唔打算要小朋友,好珍惜二人世界,陪老婆行街市,享有一般人嘅生活。有老婆陪喺身邊,係我最開心、最好嘅減壓方法。」

劉青雲

最謙虛:老婆叻晒

郭藹明係美國南加州大學機械工程學碩士:「佢學歷高,對我嚟講係件好事,我可以向佢學英文、學騎馬、學普通話,佢仲會修理電視機㖭!」

劉青雲

最安心:坦白至上

能令青雲感到安心的是家和太太,佢話郭藹明既是妻子,也是他最好朋友:「我哋早就講好,彼此有咩事都講出嚟,唔希望對方喺外人口中知道,呢個係我哋彼此信任嘅態度。」

劉青雲

延伸閱讀:

佘詩曼爆曾為事業放棄愛情 「超級鐘意至會結婚!」