回顧53歲鄧萃雯初出道嫩口相 衣著品味提升關前男友事?!

東方新地 - 娛聞

最近ViuTV推出自家製劇集《婚內情》,由視后鄧萃雯、陳錦鴻主演,今次搜羅雯女初出道同八十年代圖像,張張嫩口又靚女!

撰文:東方新地|圖片:東方新地

延伸閱讀:

回顧歷年9位演周芷若女演員 最能演繹由正入邪嘅一位係…

流出情慾短訊仲自拍下體?許紹雄稱被整蠱:係網絡強姦

回顧53歲鄧萃雯初出道嫩口相

|85年 青澀又嫩口

85年19歲初出道嘅鄧萃雯,外貌青澀,但濃妝艷抺加上一身當年闊膊潮服,跟當年的嫩口雯女似乎格格不入。

鄧萃雯

|85年 亂髮顯個性

85年尾鄧萃雯著上紅色黑間衞衣,梳咗個散亂半 濕髮型襯埋個側身姿勢,展現隨意率性又叛逆嘅個性。

鄧萃雯

|85年 擔正兼撻著

鄧萃雯85年19歲畢業無綫藝員招募第二期訓練班後,首部劇集《薛仁貴征東》就擔正女主角,不但一炮而紅仲同大佢九年嘅 男主角萬梓良撻著,但拍拖年半因性格不合分手。

|86年 化身小鳳姐

鄧萃雯身穿徐小鳳式黑白波波貼身上衣就順眼舒 服得多,仲戴埋同色系頭巾襯到絕,衣著品味大幅提升,唔知關唔關男友萬梓良事?

|86年 夥拍梁朝偉

86年無綫重拍《倚天屠龍記》,搵嚟梁朝偉、鄧萃雯演張無忌同最𡃁妹版周芷若,雯女 扮相清麗脫俗、嬌俏迷人,雯女敢愛敢恨個性非常接近小說中嘅周芷若。

|86年 潮跟東洋風

八十年代中日本青春偶像風靡全香港,鄧萃雯呢身打扮就充滿東瀛偶像女歌手嘅味道,型格又夠酷。

|87年 爆笑啤梨頭

87年中鄧萃雯甩拖後來個大改造,電咗個蓬鬆嘅啤梨形大圈髮型,加埋個古靈精怪表情同手勢,簡直笑爆嘴,如果佢拍喜劇分分鐘勁過吳君如。

|87年 成熟掃把頭

鄧萃雯電髮電上癮,其後換了掃把頭, 喺黑白衫映照下寧舍吸睛。

|88年 變身俏OL

88年初為拍劇,鄧萃雯又進行變髮,無論髮型同裝束都似足一個辦公室 OL,仲係好嬌俏嗰隻㖭。

|88年 做Bob頭黨

80年代 Bob 頭熱潮回歸,88年鄧萃雯亦剪咗個,唔單止咁,仲搽口紅深色眼影,濃妝艶抹令人耳目一新。

|88年 清爽巾玉人

初出道的雯女經常濃妝扮成熟,呢張戴上豹紋頭巾化淡妝,份外感覺清爽。

延伸閱讀:

煙剷30年 一日戒甩!周海媚全靠一個方法成功戒煙