回巢無綫唔恨拎視帝 林峯想再拿最受歡迎男歌星:畀梗係要啦

林峯謂今次回巢收友情價回歸價。

【星島日報報道】林峯出席記者會宣佈回巢無綫,並即場獲得電視廣播有限公司副總經理(節目及製作)杜之克及星夢娛樂集團行政總裁何哲圖分別送上金咪高峰等。

相隔5年回巢,林峯坦言未試過內心這麼激動,始終返回娘家,言語難以表達出來,好開心可以見回舊同事,希望大家看到他出身的地方有好作品。他說:「離開無綫後幾年,經常有台前幕後舊同事問我幾時返來?我真係好期待同睇時機,今次by project,始終拍戲20年,希望尋求新鮮感同突破,今年機緣巧合同杜生坐低一齊傾,發覺有項目有興趣,但詳情日後公佈。」林峯透露計劃明年舉行一個大型演唱會,趁自己還跳得唱得,因為演唱會需要很大體力,而且要開始儲新歌,今年將分別在內地及澳門做幾場巡迴演唱會作為熱身。

談到酬勞是否很吸引?林峯直言是其中一個條件,但是友情及回歸價,因為回娘家很開心,也很掛住所有同事。當笑指他以往合作的拍檔均已嫁人,問想跟哪位女演員合作?林峯稱視乎公司安排,最緊要切合到個project。對於重返無綫可想奪視帝?林峯笑言不要老土,獎項並非最看重,反而覺得做演員所演的角色令人記得,能夠成功塑造更多角色,並自言是一個有戲癮的人。那可想再次獲得最受歡迎男歌星?林峯說:「畀梗係要啦!」

至於又傳婚訊,林峯謂如工作上的問題,大家打橫問也可以,不過其他私人問題不會回應,以前會覺得無傷大雅,但原來工作以外的事會亦逐漸被放大蓋過工作。他說:「所有作品透過藝人宣傳,令人知道內容,但背後有好多幕後花了好多心血,所以不應該將視線轉移,要拉回正常軌道。」(攝影:張家宜)

睇更多