嘉穎栢芝無懼混亂中環搵真銀

東方日報
嘉穎有儲錶習慣,貪其保值又有紀念性。

昨日不少活動因社會問題而取消,不過,藝人鄭嘉穎仍「勇闖」中環出席手錶活動,穿西裝的他更擔任模特兒,相當有型。嘉穎指喜歡儲錶,覺得男人跟女人在打扮方面很不一樣:「男人唔會有好唔同嘅首飾、手袋各樣配搭,所以我覺得手錶係凸顯男人嘅品味。」問可有送手錶給太太陳凱琳(Grace)?他就指太太認識不多:「Grace本身就話唔多認識錶,但培養緊佢,因為錶有價值之餘亦有紀念性,所以結婚五周年、十周年都想買對男女錶做禮物。」

另外,張栢芝早前在中環開時裝店,雖然近日巿區交通大亂,但她依然親身落中環開舖,而且做埋Sales,盡心盡力!她昨日在社交網貼文表示出發,相隔數小時她才更新指已抵店舖,相信花了不少時間。原來舖頭早就有位忠心男粉絲守候,栢芝在社交網公開雙方對話片段,二人以普通話交流,栢芝讚對方可愛,最後該粉絲買了個背囊才離開,相當有心。

栢芝冧到男粉絲暈陀陀,做成一單生意。