單文柔專家上身教姊妹搵好老公

東方日報
單文柔大讚老公陳展鵬令她好幸福。

藝人單文柔(Phoebe)雖然忙於照顧家庭,仍趁新年抽空與好姊妹魏韵芝及蘇可欣等聚會,除了大派利是,還揚言要做多功能老婆,事業家庭兩兼顧,並計劃兩、三年後為囡囡添弟妹。

單文柔於2018年與「視帝」陳展鵬婚後,誕下囡囡陳諾瑤(小豬比),平日忙照顧家庭的她,相約好姊妹魏韵芝(Joyce)、蘇可欣(Eunice)及黎寬怡(貓仔)聚會,她開心大派利是,更公開嫁個好老公的心得:「最緊要Ready好自己,離開舒適圈,無論事業定愛情都會搵到一個幸福嘅方向,我覺得自己好好彩,可以喺對的時間遇上對的人,佢真係教我好多,又成熟穩重,自己亦同之前性格好唔同,重新Run過一個全新嘅我!」

畀囡囡做童星

Phoebe坦言希望成為一個多功能老婆:「如果未顧得好屋企,出去做嘢會有啲內疚,要照顧好老公同小豬比,先可以騰空時間幫自己預備多啲。我想做番主持,可以同大家分享化妝、煮嘢食,亦好想拍旅遊節目。(要着泳衣?)OK嘅!」她笑指囡囡對鏡頭甚有觸覺:「佢對鏡頭仲敏感過我,但冇話畀唔畀佢做童星,等佢自由發展。(再生?)過多兩年再考慮。」

講到新年,Phoebe自爆最喜愛儲利是封:「我留咗近十年嘅利是封,因為都係一個祝福。(幫小豬比儲利是?)已經幫佢開咗戶口,打算將利是錢入落去!」蘇可欣則表示會將父母給的利是放枕頭底,並說:「佢哋畀我嘅利是,近十年冇用過,會儲起佢。」魏韵芝則陪家人共度新春:「我會係咁食蘿蔔糕,希望步步高昇,繼續拍多啲旅遊節目!」而黎寬怡笑言會計劃好「𢭃利是」行程,她說:「因為平時太忙,冇時間見朋友,所以會去晒咁多個朋友屋企𢭃利是。」

蘇可欣、魏韵芝(左一、二)及黎寬怡(右)齊齊向單文柔��利是!