唔認要氹入院通波仔 盧海鵬:做完都唔知做咗

炳哥和鵬哥都要健康。

【星島日報報道】盧海鵬(鵬哥)、譚炳文、朱咪咪等出席活動,鵬哥早前因心臟血管阻塞,被好友杜琪峯和戚美珍夾住入醫院通波仔,但見鵬哥表現得精神奕奕,他自言留醫院一晚便出院,亦好多人陪他入院。問到做手術後的情況?他說:「做完都唔知做咗,做咗都係一樣,唔做都一樣。」談到有指他不肯做手術,要戚美珍與杜琪峯氹他入院;他說:「唔使氹,都冇乜事!(擔心你?)擔心又另一回事啦!唔知會唔會突然釘咗。」鵬哥直言未通波仔前因糖尿病經已戒口。

在旁的炳哥自爆曾做心臟搭橋手術用了11小時,當時在新加坡登台,趕返香港做手術。他說:「依家兩個半月覆診一次,暫時都冇事,有事就走,鬼叫有心臟病咩!呢啲野睇得好化。」手持拐杖的他,透露不關心臟病的事,而是腰部問題有馬尾束(馬尾綜合症)。他說:「神經線被軟骨刺住,隻腳無力,行路會痛,可以做手術,但風險大,嚴重就會死,我都80幾決定唔做手術。」談到最近可有跟李香琴見面時,炳哥即耍手謂不知,鵬哥則謂總之大家最重要健康。(攝影:鄺芷瑩)

睇更多