唔滿意魔鬼身材 蔚雨芯嫌籮大

東方日報
蔚雨芯咁好身材都唔滿意,真貪心!

「魔鬼胸女神」蔚雨芯去年與友人合資搞美容品牌,她親身試服的收陰丸大賣,三個月已有過百萬營業額,笑言已回本有錢賺:「我拍檔今日生日,呢份係最好嘅生日禮物。」今年會推出不同產品,擁有魔鬼身材的她自爆三圍數字:「我32、24、36,呢幾年磅數差唔多,保持住53公斤,因為做運動瑜伽,將脂肪變成肌肉,只肥喺大髀同臀部,條腰就冇變,以前我覺得自己屁股特別大好難睇,但朋友話我呢啲係歐美型。」她又自嘲上鏡衰樣,笑說:「我顴骨好高,個膊又橫,好似好大隻,一上鏡好似好脹,我唔想畀人覺得肥,寧願唔要咁多肉。」

早前她動筆簽約無綫做經理人,參演很多綜藝節目演出,之前亮相《流行經典50年》唱歌獲好評,她說一直鍾意唱歌,但想有新靈感再唱,希望未來有機會拍劇及唱劇集歌。