唔止沈殷怡!細數新一代ViuTV高顏值女神 每個都好吸睛

大家睇咗大台咁多年,有咩女神都瞭如指掌,其實隔離台ViuTV都有唔少高顏值女神,質素完全唔輸蝕! 不如而家就同大家數下ViuTV嘅新一代高顏值女神啦!

余逸思

余逸思(Yoshi),除咗係一名模特兒外,仲係一名化粧師,佢參加16年ViuTV選美節目《美選D.n.A.》成為全場總亞軍後入行,之後參與多套劇集及節目拍攝,包括《開工》、《金剛旅神團》、《辣伙頭》、《Reboot》 及《假設性無罪》等等,「吸睛度」一啲都唔輸蝕。

沈殷怡

沈殷怡(Shirley)自上年拍攝《詭探前傳》做秋官個女彭靜後,人氣急升,喺短短一年內拍攝多部劇集及節目,例如《娛樂風雲》、《辣伙頭》及《金剛旅神團》等等。除咗樣靚身材正之外,佢讀書仲好叻添,DSE考獲4科5**,全額獎學金升讀上海復旦大學法律系,擁有內地律師牌。之後回流香港,喺中大修讀法律系碩士,畢業後先去咗律師事務所實習一年。

洛兒

無綫節目《美女廚房》中嘅「美女學徒」洛兒(Lokyii),出名樣靚兼擁有火辣身材,極高人氣嘅佢吸引大批網民追捧,IG有超過23萬追蹤者,由打碟DJ界轉戰娛樂圈,再成為宅男女神,早前洛兒強勢加盟ViuTV,立即成為新一代ViuTV女神。

鄧月平

鄧月平(Larine)參選ViuTV選美節目《美選D.n.A》入行,喺初出道時有「巨胸翠如」之稱,因為佢擁有36F上圍,真係一啲都唔惹少。不過近年她開始擺脫性感專注拍電影,早前佢為咗拍攝電影《墮胎師》,為咗完美演繹肥妹仔一角,佢不惜為藝術而犧牲,喺2個月內由101磅激增至143磅。另外,近排佢參加ViuTV煮食綜藝節目《辣伙頭》,仲成為首屆女廚神。

陳欣妍

喺2016年加入娛樂圈嘅陳欣妍(Shirley),出道作品係《我們的6E班》。因為個樣甜美有氣質,加上身材標緻,成功得到網民關注。佢喺《辣伙頭》中表現突出,被網民們追捧成女神。另外,由於佢同沈殷怡深受網民熱愛,被封為「Double S」,ViuTV就幫佢哋開設新節目《美女郊遊遊》(暫名),計劃喺4月中首播。

陳海寧

陳海寧(Isabella)自大學畢業後一直從事演員工作,拍過幾套電影,憑港台電視《萬輻瑪利亞》開始被觀眾認識。除咗2019年幫ViuTV拍攝《仇老爺爺》之外,佢仲係《辣伙頭》八位參賽者之一。

蘇菲

美國大學畢業回流嘅蘇菲(Sophie)不時拍攝影片,放上影片分享網站,相信一班網民對佢唔會感到陌生。今次蘇菲由網上改為幫ViuTV拍攝節目《辣伙頭》,成功獲得觀眾關注。

蔡寶欣

前年參加ViuTV《廣告女皇》奪得季軍嘅蔡寶欣(Pony),入行後佢先後為《我食飯你埋單》演出及《十五分鐘熱度》主持之外,佢早前仲同麥長青(麥包)及金剛主持《C9旅行團》。

李昭南

歌手吳浩康(Deep)前女友李昭南(Mishy),曾勇奪「全美華埠小姐」第二公主。美國加州大學戴維斯分校高級榮譽文學士畢業,本身喺美國做主播嘅佢,之後回流返香港發展演藝事業。有樣有身材嘅Mishy除咗為Viutv做過唔少節目主持之外,佢仲有幫ViuTV拍劇,例如《詭探前傳》 、《假設性無罪》及《黑市》等等。