唔係富二代!翟威廉茶記當飯堂

東方日報
翟威廉(中)否認係富二代,周志文和周志康兄弟幫口力證。

藝人翟威廉(William)、周志文與弟弟周志康,以組合「Happy Live」形式玩網上直播唱歌差不多3年,終推出首隻原創歌曲《不是富二代》,發放貼地正能量!歌曲由William自學作曲填詞,花了一、兩日作曲,填詞卻用了一、兩個月。問William是否借歌澄清並非富二代?他笑言認識他的人都知他不是,兩位好兄弟亦幫口,阿文笑說:「佢平時三餐都係茶記,仲一定係最近嗰間。」

三人打算繼續以組合形式出歌,亦有機會與不同歌手合作,至於會否簽唱片公司?William笑說:「簽完後收入要三個除開,不如唔好簽,我哋全部嘢都可以自己搞。」