唔使P圖都咁靚 呢班女星素顏化淡妝未驚過

而家影相大過天,食飯影咗先,gathering影咗先。影完仲要P吓圖,搞到靚一靚先至post上網,但其實有唔少藝人化淡妝,甚至素顏都一樣咁上鏡㗎。

鍾欣潼

鍾欣潼出道時打扮同蔡卓妍太過相似,有點令人難以分辨,但後來個人形象突出咗之後,大家都記得呢位零死角女神。上年5月榮升人妻嘅阿嬌,佢個樣又真係無得輸,就算素顏都贏過唔少人成條街!

鍾欣潼
鍾欣潼

何超蓮

有「最索千金」美譽嘅賭王三房千金何超蓮,唔少人都話佢個樣同阿嬌有幾分相似,但係論身材就真係贏晒!而超蓮無論自拍、大頭,又或者唔同嘅角度都堪稱零死角!

何超蓮
何超蓮

陳法拉

前無綫花旦陳法拉,近日下嫁法籍男友,升呢做人妻,但佢喺社交平台發放嘅相片,依然散發一種獨有嘅成熟少女味道。即使只係一張平平無奇嘅相片,都輕易攞到幾萬個讚好,真係唔到你唔服。

陳法拉
陳法拉

張曦雯

張曦雯都可以話係近期嘅無綫女神,除咗又靚又鍾意打機之外,佢更經常喺社交網站分享自己嘅性感照片,實行大派福利,成功俘虜一眾男士。

張曦雯
張曦雯

陳瀅

陳瀅俾人一種冷艷嘅感覺,但係其實佢影相笑又好睇,唔笑又好睇。就算一件平平無奇嘅泳衣都俾佢着到鬼火咁靚!


陳瀅
陳瀅

以上呢幾位唔使P圖嘅「最上鏡小姐」,就話咗比大家知咩嘢叫做天生麗質。各位姊妹!我哋都係繼續P圖啦!