【唔使傷心】嘉倩BB以外 新一代新聞小花

一講開新聞小花,第一個會諗起嘅,應該係TVB樣靚聲甜主播陳嘉倩。可惜嘉倩BB早前離開大台,返去校園做全職學生,唔少觀眾都覺得可惜。最近有網友介紹幾位新聞小花,外型氣質都拍得住嘉倩BB,而且各有特色,梗有一個啱你心水。

左文薏

左文薏於2016年加入now新聞及財經台做實習記者,佢個樣比較可愛,把聲又甜到漏,成功吸引觀眾朝早睇新聞。有網民話每朝要睇完佢報新聞先返工。

丘靜雯

丘靜雯(Nicole)係Now的嘅新聞主播,通常係深宵新聞時段出現,因貌似韓國女子組合Apink隊長初瓏,所以吸引到一班網民留意。佢幕前報新聞個樣比較正經同cool,但見佢個人ig都上載唔少扮鬼臉嘅相,估計佢私底下都幾玩得。

梁凱寧

梁凱寧(Maggie)大學二年級暑假時已經喺無綫新聞部實習,由於佢樣貌甜美、身材出眾而被網民留意。有網民留意到佢身材,話好令人好分心。

羅鈺文

羅鈺文(Yuki)靚女斯文,笑起上來好可愛,仲吸引到一班男網民將佢報導天氣嘅片段剪輯。羅鈺文畢業於香港理工大學護理系,亦係一名註冊護士。但佢無去醫護界發展,竟然選擇跑新聞。佢之前喺亞視新聞部任記者及主播,之後離職去修讀香港中文大學新聞系碩士課程,2012年加入無綫成為主播。

賴凱靖

賴凱靖2017年加入無線新聞台,外形比起幾位同期女主播甜美,有網民覺得佢可以做陳嘉倩接班人。