唐麗球落D驚魂 被黑幫大佬「點相」

東方日報
唐麗球(左)與倪詩蓓當年不時一起工作,感情深厚。

藝人唐麗球前晚應老友倪詩蓓邀請,為其主持的電台節目任嘉賓。她憶述廿歲出頭時到台灣工作,期間去Disco消遣,遇上社團大佬,更發生「搶女人」事件,而被「搶」的正是唐麗球!她說:「好恐怖!(搶人拍戲?)係搶女人呀!搶我呀!(好驚?)係呀!當時得廿幾歲,個大佬話要帶我出去消夜,我話唔去,好驚!後來經理人幫手擺平,搵人送我走,聽聞嗰間Disco好出名,話着咗燈之後,會見到地上有好多槍!(你着得好性感?)梗係唔係,當年好細個。(仲敢去夜店?)一齊去就敢,真係好深刻!」